जादूभरे स्वर...

30.12.08

आज सकाळी ५.३० ला चालायला गेले..खूप थंडी होती..आमच्या सोसायटीच्या जवळच गणपती बाप्पाचं एक मंदिर आहे..पहाटेची प्रसन्न वेळ आणि मंदिरातून रेकॉर्ड वर वाजत होतं लताबाईंच्या स्वर्गीय स्वरातलं 'गजानना श्री गणराया..आधी वंदु तुज मोरया' हे भक्तिगीत...

त्यांचे स्वर मनात अलगद झिरपत जाणारे..पावलं क्षणभर थबकली..आपोआप डोळे मिटले गेले आणि मनोंमन नमस्कार केला..पुम्हा पावलांना गती देत पुढे चालत राहीले आणि हळूहळू ते जादूभरे स्वर जणू धुक्यात विरत गेले..त्यांची स्मृती माझ्या मनात ठेऊन..