७.२.२००९
आज कंपनीच्या 'मराठी वाड.मय मंडळातर्फे ' 'आम्ही सारे लेकुरवाळे' हे नाटक शिवाजी मंदिरला होते.. खरं म्हणजे शहाड ते दादर हा प्रवास कंटाळवाणाच पण आज तोच छान वाटत होता...कारण आज जवळजवळ चार महिन्यानी मी लोकलचा प्रवास करीत होते..शहाडलाच गाडीमध्ये माझी आवडती 'राइट साइड विण्डो' मिळाली...खरं तर नाटक सकाळी दहाचं आणि मला तसा उशीरच झालेला..तिथे पोहोचेपर्यंत जवळजवळ पावणे अकरा होत आले होते.
प्रसादने मी आधीच सांगितल्यामुळे तिकीट बाजूला काढून ठेवले होते..छान पुढची पाचव्या रांगेतली जागा होती..नाटक सुरु व्हायच्या आधी दहावीच्या परीक्षेत चांगले गुण मिळवणा-या मुलांचा सत्कार झाला, नंतर आमचेच एक सहकारी आहेत त्यांचे पुस्तक प्रकाशित झाल्याबद्दल त्यांचाही सत्कार झाला.
खरा अनपेक्षित धक्का तर पुढेच होता..कारण निवेदन करणारे म्हणाले की आजच्या Hi -Tech जमान्यात आपल्या वाड.मय मंडळानेही पुढचे पाऊल टाकले आहे आणि आपल्या मंडळाची वेब-साईट तयार करण्यात आली आहे आणि साईट तयार करणारे श्री. प्रसाद साखरकर आणि साईट साठी काम करणा-या सौ. रत्ना हिले यांचा इथे सत्कार करण्यात येत आहे...हे ऐकून यावर आधी विश्वासच बसेना की आपलं नाव पुकारल जातंय आणि आपल्याला स्टेज वर बोलावलं जातंय..
एवढ्या लोकांसमोर आपलं कौतुक होणं, छानशी फुलं मिळण हे खरच सुखद असतं..माझ्या मनावर अजुनही जणू आनंदाची तृप्ती पसरून आहे...या साईट साठी प्रसादने आणि मी एक सुंदर स्वप्न पाहिलं होतं की या साईटला आपण इतकं सुंदर बनवू की आपलं सगळे कौतुक करतील..हे स्वप्न इतक्या लवकर पूर्ण व्ह्यायला लागेल असं वाटलं नव्हतं…
मी घरी घेउन आले ती फ़क्त फुलं नव्हती तर आमच्या मेहनतीसाठी मिळालेली दाद होती..त्या फुलांवरून हात फिरवताना मनात म्हटलं उद्या ही फुलं कोमेजतील पण यांचे रंग यांचा गंध मनाला सतत उभारी देत राहील..
नाटक अकरा वाजता सुरु झाले..'संतोष पवारांची' नाटके संदेश देणारी, लोककलेच्या बाजाची..मला नाटक आवडले..नाटक संपल्यावर आधीच ठरवल्याप्रमाणे आयडियल मध्ये गेले आधी शब्दकोश घेतला आणि मग त्या दुकानाच्याच मागच्या बाजुला असलेल्या त्यांच्या दुस-या दालनात गेले...मला बा. भ. बोरकरांचा कुठलाही कवितासंग्रह हवा होता पण खूप शोधाशोध करूनही तो काही मिळाला नाही..मी मग इतर कवींचे चार कवितासंग्रह घेतले.
शांता शेळ्के : अनोळख
अनिल : दशपदी
ना. धो. महानोर : पक्ष्यांचे लक्ष थवे
विविध कवी : कवितांच्या गावा जावे
चारही कवितासंग्रह छान आहेत..अधुनमधून चाळ्तेय...श्रीपाद सरांनाही कवितासंग्रहांबद्दल लिहिले होते..ते म्हणाले छान तर सध्या कविता वाचताय..तुम्हाला 'काव्या' म्हणायला हवे...
खरच किती छान आहे हे नाव 'काव्या'....
काव्या...
2 comments:
Shripad Sir said..
"bharbharun jaganaarya KAVYA cha diwangi pahila, vachala. aavadla.."
Ratnaji, Kavya- ya nava magacha itihaas samajala.thank you.Tyaveli tumach zalel koutuk,agadi anpekshitpane...vachatana tya prasangaat ahot asech vatale.itak bharbharun prostahan denari moth mothi manase avati bhovati ahet ,Marathi sahityacha OSCar mhanu ki Grammy award milalyacha anand tya divashi fule gonjaratana zala asel.tumachya pudhil vaatchalila shubhechha !!
Post a Comment